विराटनगर - नेकपा एकीकृत समाजवादीसँगको एकता प्रयास टुंग्याएपछि वामदेव गौतम एमालेमा फर्किने भएका छन्।
इटहरी - नेपालले भारतको ‘अग्निवीर’ योजनामा असहमति जनाउँदै गोर्खा भर्ती रोकेपछि भारतीय गोर्खा रेजिमेन्टमा सैनिक अभाव भएको समाचार बाहिरिएको छ ।
सुनसरी - टीकटक प्रतिबन्धित भएको भोलिपल्ट, जनवरी २० मा, ट्रम्पको शपथग्रहण समारोहमा टीकटक सीईओ सु चिउ अतिथिका रूपमा सहभागी हुनेछन्। यसलाई प्रतिबन्ध फुकुवा हुने संकेत मानिएको छ।
पथरी – हाँस्य कलाकार सन्दीप क्षेत्रीले रेडस्टार स्कुल र ऋतम्भरा बहुमुखी क्याम्पसले आयोजना गरेको "जीवनका लागि हाँसो" कार्यक्रममा प्रेरणादायी प्रस्तुति दिए।कक्षा ११, १२, र बिबिएसका विद्यार्थीलाई करियर निर्माणमा दृढ संकल्प र निरन्तर अभ्यासको महत्वबारे सन्देश दिएका क्षेत्रीलाई रेडस्टारका क्याडेटहरूले सम्मान गरे।कार्यक्रममा इलाका प्रहरी कार्यालयका डीएसपी मोहनविक्रम दाहालले लागुपदार्थ र साइबर अपराधबारे सचेतना प्रस्तुत गरे।सात सयभन्दा बढी विद्यार्थी सहभागी भएको कार्यक्रम विद्यालयका प्रेरणात्मक पहलमध्ये एक हो।
सुनसरी : धरानका मेयर हर्क साम्पाङले खानेपानी समस्याको विरोधमा भानु चोकमा रित्तो गाग्री बोकेर प्रदर्शन गरेका छन्। खानेपानी समस्या समाधानका लागि सरकारले सहयोग नगरेको भन्दै उनले मन्त्रालयसम्म रित्तो गाग्री बोकेर जाने चेतावनी दिए। श्रमदान र चन्दाबाट थालिएका परियोजना पर्याप्त नहुँदा धरानले अझै पानी अभाव झेलिरहेको छ।
खाँदबारी - सखुवासभाको पाँचखपन नगरपालिका वाना भाङ्गटारस्थित पाथीभरा मन्दिरलाई धार्मिक तथा पर्यटकीय गन्तव्य बनाउने उद्देश्यले वृक्षारोपण र संरचना निर्माण अभियान सुरु गरिएको छ। मन्दिर परिसरमा हजुरबा–हजुरआमा र पितृको स्मृतिमा इच्छाअनुसार विरुवा रोप्न, पाटी, चौतारा, धर्मशाला, र पानीको धारा निर्माण गर्न स्थानीयलाई आह्वान गरिएको छ।यो अभियानले प्रकृति संरक्षणको महत्वलाई प्राथमिकतामा राख्दै भावी पुस्ताका लागि पर्यावरणीय र सांस्कृतिक सम्पदा जगेर्नाको प्रेरणादायी सन्देश प्रवाह गरेको छ।
धनकुटा – सत्तारुढ नेकपा एमालेले माघदेखि चैतसम्म सञ्चालन गर्ने ‘जरा’ केन्द्रित तीन महिने अभियानको अभिमुखीकरण कार्यक्रम आइतबार धनकुटामा हुँदैछ। सामुदायिक भवनमा बिहान ११ बजे सुरु हुने कार्यक्रममा महासचिव शंकर पोखरेल, कोशी प्रदेश इञ्चार्ज शेरधन राई, मुख्यमन्त्री हिक्मतकुमार कार्कीलगायत शीर्ष नेताले सम्बोधन गर्नेछन्।जनताको चासो र गुनासोको सम्बोधनका लागि केन्द्रित यो अभियानले संगठन सुदृढीकरणमा योगदान दिने एमालेको विश्वास छ।
एजेन्सी– इंग्लिस प्रिमियर लिग फुटबलमा लिभरपुलले ब्रेन्टफोर्डलाई २–० ले पराजित गर्दै शीर्ष स्थानमा ५० अङ्क बनाएको छ।दोस्रो स्थानको आर्सनलले एस्टनभिल्लासँग २–२ गोलको बराबरी खेल्दै ४४ अङ्कमा सीमित रह्यो। एस्टनभिल्ला समान २२ खेलमा ३६ अङ्कसहित सातौँ स्थानमा छ।अन्य खेलमा बर्नमाउथले न्युक्यासललाई ४–१ ले, क्रिस्टल प्यालेसले वेस्टह्याम युनाइटेडलाई २–० ले र फुलहमले लेस्टर सिटीलाई २–० ले हराए।
मोरङ -कोशी प्रदेशका पूर्वमुख्यमन्त्री तथा नेपाली कांग्रेस संसदीय दलका नेता उद्धव थापामाथि झापाको कनकाईस्थित जामुनबारी चोकमा शनिबार साँझ आक्रमण भएको छ। नेपाली कांग्रेस कोशी प्रदेश समितिका सभापतिसमेत रहेका थापामाथि भएको यस घटनाले प्रदेशको शान्ति सुरक्षा व्यवस्थामाथि गम्भीर प्रश्न खडा गरेको छ।घटनाको विवरणथापाको गाडी जामुनबारी चोकमा पुगेपछि विद्युत प्राधिकरणका चालकसहित दुई व्यक्तिले उनलाई आक्रमण गरेका हुन्। कांग्रेसका अनुसार भीआईपी सवार गाडीलाई साइड नदिएको र भीआईपी भनेर चिनेपछि आक्रमण भएको हो।थापाको देब्रे आँखाको माथिल्लो भागमा चोट लागेको छ, र उनलाई उपचारका लागि बिर्ता सिटी हस्पिटल, विर्तामोड लगिए
पथरी शनिश्चरे - नीजी तथा आवासीय विद्यालय अर्गनाइजेसन नेपाल नगर कार्य समिति पथरी शनिश्चरे (प्याब्सन ) द्वारा आयोजित तीन दिवसीय प्याब्सन प्रेसिडेन्ट कप फुटबल तथा भलिबल टुर्नामेन्ट सम्पन्न भएको छ। आज शुक्रबार पथरिशनिश्चरे वडा नं १ को जाँतेमोडस्थित खेल मैदानमा सो टुर्नामेन्ट सम्पन्न भएको हो। एक समारोहका बीच पथरी शनिश्चरे नगरपालिकाका प्रमुख मोहनप्रसाद तुम्बापोले सो प्रतियोगिता अन्तर्गत भलिबल तथा फुटबल विधामा उपाधि उचाल्ने प्रथम र फर्स्ट रनर अफ ( दोस्रो) स्थान हासिल गर्ने विद्यालयहरूका छात्र- छात्राहरूलाई ट्रफी, मेडल तथा प्रमाणपत्र प्रदान गर्नुभएको थियो। गत बुध
